"Atletiko" uch hafta ichida ikkita turnirni tark etdi.
Bugun Diyego Simeone jamoasi Ispaniya kubogi yarim final javob bahsida "Barselona"ga imkoniyatni boy berdi (0:1, birinchi o‘yin - 4:4). Madridliklar ushbu turnirdagi ishtirokini yakunladi.
12 mart kuni "matraschilar" "Real"ga (1:2, 1:0, penaltilar seriyasi bo‘yicha - 2:4) yutqazib, Chempionlar ligasidan chiqib ketishgandi.
La Ligadagi so‘nggi uchta o‘yin natijasiga ko‘ra, "Atletiko" atigi bir ochko jamg‘ardi. Klub 57 ochko bilan turnir jadvalida 3-o‘rinni egallab turibdi. Endilikda peshqadam "Barselona" bilan oradagi farq 9 ochkoni tashkil etmoqda.
