"Атлетико" уч ҳафта ичида иккита турнирни тарк этди.

Бугун Диего Симеоне жамоаси Испания кубоги ярим финал жавоб баҳсида "Барселона"га имкониятни бой берди (0:1, биринчи ўйин - 4:4). Мадридликлар ушбу турнирдаги иштирокини якунлади.

12 март куни "матрасчилар" "Реал"га (1:2, 1:0, пенальтилар серияси бўйича - 2:4) ютқазиб, Чемпионлар лигасидан чиқиб кетишганди.

Ла Лигадаги сўнгги учта ўйин натижасига кўра, "Атлетико" атиги бир очко жамғарди. Клуб 57 очко билан турнир жадвалида 3-ўринни эгаллаб турибди. Эндиликда пешқадам "Барселона" билан орадаги фарқ 9 очкони ташкил этмоқда.