Xavyer Tebas Dani Olmo va Pau Viktorni ro‘yxatdan o‘tkazish qarorini tanqid qildi.
Avvalroq, Sport oliy kengashi (CSD) Dani Olmo va Pau Viktorni ro‘yxatdan o‘tkazish masalasida La Liga bilan bahsda "Barselona" tarafini olgani ma’lum bo‘lgandi. Ikkala futbolchi ham mavsum oxirigacha ro‘yxatdan o‘tgan holda qoladi.
"Barselona" lisenziyalari borasida qabul qilingan mezonlarga to‘liq qarshi ekanimni bildirmoqchiman. Bu yerda gap faqat aniq rezolyusiya haqida borayotgani yo‘q. Gap tizimning yaxlitligini himoya qilish, texnik proseduralarga rioya qilish va huquqiy aniqlik haqida ketmoqda," - dedi La Liga prezidenti.
