"Nyukasl" bosh murabbiyi Eddi Xau o‘z hujumchisi Aleksandr Isakning jarohatga moyil futbolchi ekanligi haqidagi fikrlarni rad etdi.
Isak ajoyib mavsumni o‘tkazmoqda, Premyer-ligada 20 ta gol urdi va "Nyukasl" bilan Liga kubogini qo‘lga kiritdi.
"Mening statistikamga qarang, jarohatga moyil futbolchi kim bo‘lgan. Aleks, albatta, unday emas. Uning sonida muammolar bor edi, u vaqti-vaqti bilan paydo bo‘lib turardi. Ular "Liverpul" bilan o‘ynashimizdan oldin (fevralda) yomonlashdi, lekin u yaxshi edi va o‘ynashi mumkin edi, u o‘tgan oy kubok finalida juda yaxshi o‘ynadi.
Ammo negadir "Brentford" bilan o‘yin oldidan yana o‘zini yana shunday his qildi. Lekin bu juda tez hal bo‘ladigan kichik muammo.
Agar siz oson rejimda mashg‘ulot o‘tkazsangiz va tirishqoqlik qilmasangiz, shanba kuniga hamma tayyor bo‘ladi, degan afsona bor. Aslida esa buning aksi - futbolchilaringiz bilan ishlash va ularni kuchaytirish kerak.
To‘g‘rirog‘i, o‘yin vaqtida ular kerakli narsani qilishlari va muammosiz qilishlari mumkin. Buning uchun muntazam ravishda mashg‘ulot maydoniga borib turish kerak. Doimiy mashg‘ulot o‘tkazmaydigan futbolchilar muammoli o‘yinchilarga aylanadi.
Aleks muntazam ravishda mashg‘ulot o‘tkazadi. U tayyor, o‘z ishini bajaradi va juda yaxshi mashq qiladi. Bu uning o‘yinida ham o‘z aksini topmoqda", - dedi Xau.
