Joriy mavsumdan keyin klubni tark etadigan "Bavariya" hujumkor yarim himoyachisi Tomas Myuller Myunxen jamoasi bilan klublar o‘rtasidagi jahon chempionatida ishtirok etadi.
Turnir 15 iyundan 13 iyulgacha AQSHda bo‘lib o‘tadi. Shundan so‘ng 35 yoshli nemis "Bavariya"ni tark etadi.
Insayder Fabrisio Romanoning ma’lum qilishicha, Myuller va uning oilasi faoliyatini MLSda davom ettirish variantini ko‘rib chiqmoqda.
Myuller "Bavariya" tarbiyalanuvchisi hisoblanadi. U klubda 25 yil o‘tkazdi. Joriy mavsumda futbolchi 36 ta o‘yinda 5 ta gol va 5 ta golli uzatmaga mualliflik qilgan.













