Жорий мавсумдан кейин клубни тарк этадиган "Бавария" ҳужумкор ярим ҳимоячиси Томас Мюллер Мюнхен жамоаси билан клублар ўртасидаги жаҳон чемпионатида иштирок этади.
Турнир 15 июндан 13 июлгача АҚШда бўлиб ўтади. Шундан сўнг 35 ёшли немис "Бавария"ни тарк этади.
Инсайдер Фабрицио Романонинг маълум қилишича, Мюллер ва унинг оиласи фаолиятини МЛСда давом эттириш вариантини кўриб чиқмоқда.
Мюллер "Бавария" тарбияланувчиси ҳисобланади. У клубда 25 йил ўтказди. Жорий мавсумда футболчи 36 та ўйинда 5 та гол ва 5 та голли узатмага муаллифлик қилган.
