"Milan" hujumchisi Luka Yovich A Seriyada "Fiorentina"ga qarshi o‘yindan (2:2) keyin o‘z taassurotlari bilan o‘rtoqlashdi.
Serxio Konseysau shogirdlari 10-daqiqaga kelib ikki bor to‘p o‘tkazib yubordi, ammo kambekka kuch topa oldi.
Tablodagi yakuniy natijani birinchi bo‘limda zaxiradan maydonga tushgan Yovich o‘rnatdi.
"Nega biz o‘yinlarni yomon boshlaymiz? Nima deyishni bilmayman, lekin javob topishimiz kerak, chunki oldinda yetti o‘yin bor. Nimadir o‘zgarishi kerak, ayniqsa birinchi bo‘limda.
Dastlabki o‘n daqiqada ikkita gol o‘tkazib yubordik, ammo xarakter ko‘rsata oldik. O‘ylaymanki, "Fiorentina" yaxshi o‘ynagan bo‘lsa-da, g‘alaba qozonishga haqli edik", - deydi Yovich.













