"Милан" ҳужумчиси Лука Йович А Серияда "Фиорентина"га қарши ўйиндан (2:2) кейин ўз таассуротлари билан ўртоқлашди.

Серхио Консейсау шогирдлари 10-дақиқага келиб икки бор тўп ўтказиб юборди, аммо камбэкка куч топа олди.

Таблодаги якуний натижани биринчи бўлимда захирадан майдонга тушган Йович ўрнатди.

"Нега биз ўйинларни ёмон бошлаймиз? Нима дейишни билмайман, лекин жавоб топишимиз керак, чунки олдинда етти ўйин бор. Нимадир ўзгариши керак, айниқса биринчи бўлимда.

Дастлабки ўн дақиқада иккита гол ўтказиб юбордик, аммо характер кўрсата олдик. Ўйлайманки, "Фиорентина" яхши ўйнаган бўлса-да, ғалаба қозонишга ҳақли эдик", - дейди Йович.