"Manchester Yunayted" "Real" yarim himoyachisi Federiko Valverdega qiziqish bildirmoqda. Oldinroq 100 million yevrolik taklif tayyorlanayotgani xabar qilingandi.
Ayni paytda TodoFichajes portali Britaniya manbalariga tayanib, “qizil iblislar” Valverde uchun bundan ham kattaroq 150 million yevro taklif qilishga tayyorligi haqida gapiradi.
Shu bilan birga, “Real” 26 yoshli Valverdeni bunday katta pulga ham sotishga tayyor emasligi qayd etilgan. Urugvaylik madridliklar uchun juda muhim futbolchi. Joriy mavsumda Federiko Valverde 47 ta o‘yin o‘tkazib, 8 ta gol urdi va 7 ta golli uzatmani amalga oshirdi.
