"Bavariya" bosh murabbiyi Vensan Kompani Chempionlar Ligasi 1/4 finalidan o‘rin olgan Milanning "Inter" klubiga qarshi dastlabki o‘yindan nimalar kutayotgani haqida gapirdi.
Uchrashuv seshanba kuni Myunxenda bo‘lib o‘tadi, uning boshlanishi Toshkent vaqti bilan 00:00 ga belgilangan.
"Inter" yaxshi shakllangan jamoa, raqiblarga turlicha tahdid qila oladi - nafaqat qarshi hujumlarda, balki standartlarda ham. "Inter"da ajoyib futbolchilar o‘ynashmoqda, ammo biz haqimizda ham shunday deyish mumkin - umid qilamanki, ertaga buni maydonda isbotlaymiz," - dedi myunxenliklar safida debyut mavsumini o‘tkazayotgan Kompani matbuot anjumanida.
