"Bavariya"ning afsonaviy futbolchisi Lotar Matteus Myunxenni tark etadigan Tomas Myullerning kelajagi haqidagi fikrlari bilan o‘rtoqlashdi.
"Tomas Myullerning o‘yin vaqti kam bo‘ldi. Uning kelajagi bo‘yicha qaror allaqachon qabul qilingan. Lekin men uchun Myuller zahiradan maydonga tushadigan yoki faqat boshqalar jarohat olganida o‘ynaydigan yoki turnir jadvalidagi vaziyat tajriba o‘tkazishga imkon beradigan odam emas. Faoliyati, shaxsiyati va nemis futboliga qo‘shgan hissasini hisobga olsak, uning faqat so‘nggi o‘n daqiqada maydonga tushganini ko‘rish og‘riqli edi.
Yoshiga qaramay, Myuller kerakli sifat va aql bovar qilmaydigan tajribaga ega, bu esa katta o‘yinlarda muhim ahamiyatga ega. Ba’zi o‘yinchilar uni jamoadan chiqarib yuborishdi, shuning uchun "Bavariya" xarajatlarni kamaytirishga intilayotgani mantiqan to‘g‘ri keladi, ayniqsa so‘nggi yillarda ideal bo‘lmagan moliyaviy qarorlardan keyin", — dedi Matteus.
Myuller joriy mavsumda “Bavariya” va barcha turnirlarda 36 ta o‘yinda maydonga tushib, 5 ta gol va 5 ta golli uzatmaga mualliflik qilgan.
