"Бавария"нинг афсонавий футболчиси Лотар Маттеус Мюнхенни тарк этадиган Томас Мюллернинг келажаги ҳақидаги фикрлари билан ўртоқлашди.
"Томас Мюллернинг ўйин вақти кам бўлди. Унинг келажаги бўйича қарор аллақачон қабул қилинган. Лекин мен учун Мюллер заҳирадан майдонга тушадиган ёки фақат бошқалар жароҳат олганида ўйнайдиган ёки турнир жадвалидаги вазият тажриба ўтказишга имкон берадиган одам эмас. Фаолияти, шахсияти ва немис футболига қўшган ҳиссасини ҳисобга олсак, унинг фақат сўнгги ўн дақиқада майдонга тушганини кўриш оғриқли эди.
Ёшига қарамай, Мюллер керакли сифат ва ақл бовар қилмайдиган тажрибага эга, бу эса катта ўйинларда муҳим аҳамиятга эга. Баъзи ўйинчилар уни жамоадан чиқариб юборишди, шунинг учун "Бавария" харажатларни камайтиришга интилаётгани мантиқан тўғри келади, айниқса сўнгги йилларда идеал бўлмаган молиявий қарорлардан кейин", — деди Маттеус.
Мюллер жорий мавсумда “Бавария” ва барча турнирларда 36 та ўйинда майдонга тушиб, 5 та гол ва 5 та голли узатмага муаллифлик қилган.
