«Ан-Наср» клуби чемпионликдан сўнг бош мураббийлик лавозимини тарк этган Жорже Жезушга ўринбосар изламоқда. Португалиялик мутахассис чемпионатнинг сўнгги туридан кейин дарҳол ўз кетишини эълон қилди.

«365Scores Arabic» хабар беришича, Криштиану Роналду ўз юртдошини яна бир йил қолишга кўндиришга уринган, бироқ мураббий ўз қарорида қатъий қолган. 41 ёшли ҳужумчи энди янги бош мураббийни танлашда ўз овозига эга бўлади. Қолаверса, юлдуз футболчи клубга аллақачон таниқли португалиялик мураббийнинг номзодини таклиф қилган, бироқ унинг исми ҳозирча сир тутилмоқда.

Криштиану Роналду 2023 йилнинг бошидан буён «Ан-Наср» шарафини ҳимоя қилиб келмоқда. Жорже Жезуш эса ушбу лавозимда 2025 йилнинг июлидан бери ишлаб келаётганди.