Klublar o‘rtasidagi jahon chempionati o‘yinlarida ishlaydigan hakamlar tanaga kiyiladigan maxsus videokameralar taqib yurishadi.
FIFA hakamlar qo‘mitasi rahbari Perluidji Kollinaning fikricha, bu tomoshabinlarga o‘yinni noodatiy rakursdan ko‘rsatish uchun ajoyib imkoniyat.
"Bu hakamlarni tayyorlash nuqtai nazaridan ham mantiqiy to‘g‘ri qaror. Hakam nima qilayotganini ko‘ra olish, uning qarorni qanday qabul qilganini baholash uchun lahzani tahlil qilishda muhim", - deya Kollinaning so‘zlaridan iqtibos keltiradi FIFA matbuot xizmati.
