Yevropa chempionlar ligasi chorak finalining dastlabki o‘yinlari bo‘lib o‘tmoqda, Londonning "Arsenal" klubi Madridning "Real" klubini yirik hisobda mag‘lub etdi. Deklan Raysning jarima zarbasidan urgan ajoyib gollari haqida APLda gol urish bo‘yicha rekordchi Alan Shirer o‘z fikrlarini bildirdi.
"Birinchi jarima zarbasi hayratlanarli bo‘ldi, ikkinchisi undan ham yaxshiroq edi - aniqlik, kuch, trayektoriya, ishonch. Tibo Kurtua jonli devordan aylanma zarba bo‘ladi, deb o‘ylagan edi, shuning uchun uni keragicha mustahkamlamadi. U juda ko‘p bo‘sh joy qoldirdi, imkoniyati yo‘q edi. Aql bovar qilmaydigan gol," - deya Alan Shirerning so‘zlarini keltiradi BBC Sport.
