"Santos" yulduzi, 33 yoshli Neymar yana jamoasining umumiy guruhida mashg‘ulot o‘tkazmoqda. Bu haqda klub matbuot xizmati xabar bermoqda.
Eslatib o‘tamiz, mart oyida Neymar tizza osti payidan jarohat olgandi. Jarohat braziliyalik futbolchiga Janubiy Amerika terma jamoalari o‘rtasidagi 2026-yilgi Jahon chempionati saralashida o‘z terma jamoasida o‘ynash imkonini bermadi.
Joriy mavsumda Neymar "Santos" safida 9 ta rasmiy o‘yinda maydonga tushib, 3 ta gol urdi va 3 ta golli uzatmani amalga oshirdi. U 2025 yilning yanvarida qadrdon klubiga qaytdi.













