"Сантос" юлдузи, 33 ёшли Неймар яна жамоасининг умумий гуруҳида машғулот ўтказмоқда. Бу ҳақда клуб матбуот хизмати хабар бермоқда.
Эслатиб ўтамиз, март ойида Неймар тизза ости пайидан жароҳат олганди. Жароҳат бразилиялик футболчига Жанубий Америка терма жамоалари ўртасидаги 2026-йилги Жаҳон чемпионати саралашида ўз терма жамоасида ўйнаш имконини бермади.
Жорий мавсумда Неймар "Сантос" сафида 9 та расмий ўйинда майдонга тушиб, 3 та гол урди ва 3 та голли узатмани амалга оширди. У 2025 йилнинг январида қадрдон клубига қайтди.













