"Real" prezidenti Florentino Peres Chempionlar ligasida "Arsenal"dan uchralgan mag‘lubiyatdan so‘ng o‘z fikrlarini bildirib o‘tdi. Londonda bo‘lib o‘tgan birinchi chorak final uchrashuvi "Los Blankos"ning 0:3 hisobidagi mag‘lubiyati bilan yakunlandi.

"Biz chempionlik uchun kurashni davom ettiramiz. Mavsumni ikkita sovrin bilan boshladik, ko‘ramiz, yana nima yutishimiz mumkin. Asosiysi, yaxshi jamoa bo‘lish. Bu yillar davomida men shu narsa ustida ishladim. Biz ko‘p g‘alaba qozondik, ammo bizda g‘alaba qozonishda davom etish ambisiyalari bor", - deya Peres so‘zlarini keltiradi Defensacentral.

"Real" va "Arsenal" o‘rtasidagi Chempionlar ligasi chorak finalining javob uchrashuvi 16 aprel kuni bo‘lib o‘tadi.