"Nyukasl" hujumchisi Aleksandr Isak kelasi yozda "Liverpul"ga o‘tishi dargumon.
"Qizillar" 25 yoshli futbolchiga ko‘plab da’vogarlardan biri hisoblanadi. Jurnalist Mark Duglasning yozishicha, "Liverpul" rahbariyati shvesiyalik futbolchini yaqin transferlar davrida sotib olish deyarli imkonsiz ekanini tushunmoqda. Hamma gap "Nyukasl"ning qat’iy pozisiyasida: "qarg‘alar" hech qanday chegirma qilmoqchi emas va almashtirishga rozi bo‘lmaydi.
Transfermarkt portali ekspertlari Aleksandr Isakning narxini 100 mln yevroga baholamoqda, ammo "Nyukasl" undan ancha ko‘proq so‘rashi taxmin qilinmoqda. Hujumchiga Londonning "Arsenal" klubi ham qiziqish bildirmoqda.













