"Liverpul" hujumchisi Muhammad Saloh vaziyatni o‘zgartirishni rejalashtirmayapti. Tarqalgan ma’lumotlarga ko‘ra, misrlik "qizillar" bilan yangi ikki yillik shartnoma tuzish arafasida. Ma’lumki, forvardning transferiga Saudiya klublari anchadan buyon qiziqish bildirmoqda. Jurnalist Kris Beskombning ma’lum qilishicha, futbolchi Saudiya Arabistoni chempionati vakillariga mahalliy klublarning hech biriga o‘tmasligini ma’lum qilgan.

Muhammad Saloh "Liverpul"da ajoyib mavsum o‘tkazmoqda: uning hisobida barcha musobaqalarda Arne Slot jamoasi safida 45 ta o‘yinda 32 ta gol va 22 ta golli uzatma bor. Iyun oyida mersisaydliklar yulduzi 33 yoshga to‘ladi.