"Nyukasl" yarim himoyachisi Bruno Gimaraes faoliyatini "Manchester Siti"da davom ettirishi mumkin. Bu haqda UOL Esporte xabar bermoqda.

Manbaning ta’kidlashicha, "shaharliklar" rahbariyati 27 yoshli braziliyalik xavbekka yana qiziqish bildira boshlagan. Kelishuv yozgi transfer oynasida amalga oshishi mumkin.

Joriy mavsumda Gimaraes barcha musobaqalarda 39 ta uchrashuvda maydonga tushib, 3 ta gol urdi va 8 ta golli uzatmani o‘z hisobiga yozdirib qo‘ydi.

Yarim himoyachining "Nyukasl" bilan amaldagi shartnomasi 2028 yilgacha mo‘ljallangan. Transfermarkt internet portali ma’lumotlariga ko‘ra, futbolchining narxi 80 million yevroni tashkil etadi.