"Ньюкасл" ярим ҳимоячиси Бруно Гимараэс фаолиятини "Манчестер Сити"да давом эттириши мумкин. Бу ҳақда UOL Esporte хабар бермоқда.

Манбанинг таъкидлашича, "шаҳарликлар" раҳбарияти 27 ёшли бразилиялик хавбекка яна қизиқиш билдира бошлаган. Келишув ёзги трансфер ойнасида амалга ошиши мумкин.

Жорий мавсумда Гимараэс барча мусобақаларда 39 та учрашувда майдонга тушиб, 3 та гол урди ва 8 та голли узатмани ўз ҳисобига ёздириб қўйди.

Ярим ҳимоячининг "Ньюкасл" билан амалдаги шартномаси 2028 йилгача мўлжалланган. Transfermarkt интернет портали маълумотларига кўра, футболчининг нархи 80 миллион еврони ташкил этади.