Лондоннинг «Челси» клубида тўп сурувчи аргентиналик хавбек Энцо Фернандес фаолиятини Испанияда давом эттиришга қарор қилди.
El Debate журналистларининг берган маълумотларига кўра, ярим ҳимоячи «Реал» Мадрид билан 5 йилга мўлжалланган узоқ муддатли меҳнат шартномасини имзолашга тайёр. Ушбу трансфернинг амалга ошиши йўлидаги асосий тўсиқ — инглиз клуби аргентиналик футболчининг сотувидан ишлаб олмоқчи бўлган маблағдир. «Аристократлар» футболчини 138 миллион еврога баҳолашмоқда.
Эслатиб ўтамиз, Фернандес ва «Челси» ўртасидаги амалдаги шартнома муддати 2032 йилнинг ўрталарига қадар мўлжалланган. Якунланган мавсумда аргентиналик футболчи 54 та учрашувда майдонга тушиб, 15 та гол урди ва 7 та голли узатмани амалга оширди.
