Германиянинг «Бавария» клуби ва Франция терма жамоасининг юлдузли вингери Майкл Олисе Мадриднинг «Реал» клуби қизиқишлар доирасида турибди. The Telegraph журналистларининг хабар беришича, «қаймоқранглилар»нинг потенциал янги бош мураббийи Жозе Моуриньо ушбу трансфер борасидаги ўз позициясини маълум қилган.

Португалиялик мутахассис раҳбариятга Олисенинг келишуви клуб учун зарурлигини тушунтирди. «The Special One» уни янги жамоани шакллантиришда муҳим фигура сифатида кўрмоқда.

Transfermarkt портали 24 ёшли французнинг трансфер баҳосини 150 миллион еврога баҳолаган. Унинг «Бавария» билан шартномаси 2029 йилнинг ўрталарига қадар амал қилади. Бундеслиганинг ўтган мавсумида Майкл 32 та ўйинда майдонга тушиб, ўз ҳисобига 15 та гол ва 19 та голли узатмани ёздириб қўйган.