Futbol bo‘yicha 17 yoshlilar o‘rtasida Osiyo Kubogi doirasidagi 3-tur uchrashuvlari 10 aprel, payshanba kuni o‘tkazildi. 

Unda “B” guruhida Avstraliya yoshlari Yaponiyani mag‘lub etdi. BAA esa Vyetnam bilan durang o‘ynadi. Ushbu guruhda esa 1–3 o‘rindagi jamoalar bir xil – 4 ochkodan to‘pladi. 

Bunda Yaponiya to‘plar nisbatiga ko‘ra 1-o‘rinni egalladi. Avstraliya va BAAda esa to‘plar nisbati bo‘yicha vaziyat bir xil – har ikkisida ham -1. 

Bu holatda sariq va qizil kartochkalar o‘rtaga chiqadi. Avstraliyada sariq kartochkalar BAAga qaraganda ko‘proq, ammo BAAda bitta qizil kartochka mavjud. Shuningdek, ikki jamoaning o‘zaro o‘yinida BAA 2:0 hisobida g‘alaba qozongan.

Shundan kelib chiqib, BAAga ustunlik berildi va ular endi chorak finalda O‘zbekiston yoshlariga raqib bo‘ladi.