Футбол бўйича 17 ёшлилар ўртасида Осиё Кубоги доирасидаги 3-тур учрашувлари 10 апрель, пайшанба куни ўтказилди. 

Унда “Б” гуруҳида Австралия ёшлари Японияни мағлуб этди. БАА эса Вьетнам билан дуранг ўйнади. Ушбу гуруҳда эса 1–3 ўриндаги жамоалар бир хил – 4 очкодан тўплади. 

Бунда Япония тўплар нисбатига кўра 1-ўринни эгаллади. Австралия ва БААда эса тўплар нисбати бўйича вазият бир хил – ҳар иккисида ҳам -1. 

Бу ҳолатда сариқ ва қизил карточкалар ўртага чиқади. Австралияда сариқ карточкалар БААга қараганда кўпроқ, аммо БААда битта қизил карточка мавжуд. Шунингдек, икки жамоанинг ўзаро ўйинида БАА 2:0 ҳисобида ғалаба қозонган.

Шундан келиб чиқиб, БААга устунлик берилди ва улар энди чорак финалда Ўзбекистон ёшларига рақиб бўлади.