"Jenoa" bosh murabbiyi Patrik Viyeyra "Roma"ni boshqarishga nomzodlar safiga kirdi.
Rimliklar joriy mavsum yakunlangach, Klaudio Ranyerining o‘rnini egallaydigan mutaxassis izlashda davom etmoqda. Sky xabariga ko‘ra, "bo‘rilar" rahbariyati Viyeyra nomzodini ko‘rib chiqmoqda. Fransuzning "Jenoa" bilan shartnomasi 2026 yilning yoziga qadar mo‘ljallangan, biroq shartnomada atigi 500 ming yevro miqdorida tovon puli belgilangan.
Ayni vaqtda "Roma" 53 ochko bilan A Seriya turnir jadvalida yettinchi o‘rinda bormoqda, "Jenoa" 38 ochko bilan 12-pog‘onadan joy olgan.













