"Betis" bosh murabbiyi Manuel Pellegrini g‘alabalar soni bo‘yicha klub tarixidagi eng yaxshi murabbiyga aylandi.
Ma’lum bo‘lishicha, Konferensiyalar ligasi 1/4 finalining “Yagelloniya”ga qarshi birinchi o‘yinida (2:0) chililik 71 yoshli murabbiy barcha turnirlardagi 244-uchrashuvida “yashil-oqlar” boshqaruvidagi 116-g‘alabasini qo‘lga kiritdi.
Tajribali mutaxassis Lorenso Serra Ferrerning g‘alabalari soniga tenglashdi, biroq unga 1994-1997 va 2004-2006 yillarda “Betikos”ni boshqargan 72 yoshli hamkasbidan 19 ta kam o‘yin kerak edi.
