"Milan" bosh murabbiyi Serjiu Konseysau A Seriya doirasida "Udineze" ustidan qozonilgan g‘alabadan so‘ng (4:0) darvozabon Mayk Menyan bilan bog‘liq vaziyat haqida fikr bildirdi. Ikkinchi bo‘lim boshida himoyachi Aleks Ximenes bilan to‘qnashib ketgan darvozabonni zambilda maydondan olib chiqib ketishdi.
"Bugun ko‘rgan narsalarimning ba’zilari meni hayratda qoldirdi. Qiyinchilikka uchragan ikki yigit haqida xavotir va olomonning olqishlari. "Udineze" muxlislariga rahmat aytishim kerak. Ular o‘yin boshida futbolchiga hushtak chalishdi, lekin keyin g‘ayrioddiy voqea sodir bo‘lganda, ular uni olqishlashdi. Bu aql bovar qilmaydigan voqea. Futbolda hech qachon bunday narsani ko‘rmaganman. Mayk kasalxonada va tekshiruvdan o‘tadi", - deya Konseysau so‘zlarini keltiradi Milannews.it.
