"Manchester Yunayted" hujumchi Rasmus Xyoylunni qanchaga sotishga tayyorligi ma’lum bo‘ldi.

Tuttosport xabariga ko‘ra, "qizil iblislar" rahbariyati agar 22 yoshli daniyalik kamida 60 million yevrolik taklif olsa, uning transferi bo‘yicha takliflarni ko‘rib chiqadi.

Avvalroq, hujumchi xizmatiga Italiyaning "Yuventus" klubi qiziqish bildirayotgani xabar qilingandi.

Bu mavsumda Xyoylund barcha turnirlarda 42 ta o‘yinda maydonga tushdi, sakkiz marta raqiblar darvozasini ishg‘ol qildi va to‘rtta golli uzatma muallifiga aylandi.

U o‘tgan yozda "Atalanta"dan 74 million yevro evaziga sotib olingandi.