"Манчестер Юнайтед" ҳужумчи Расмус Хёйлунни қанчага сотишга тайёрлиги маълум бўлди.
Tuttosport хабарига кўра, "қизил иблислар" раҳбарияти агар 22 ёшли даниялик камида 60 миллион евролик таклиф олса, унинг трансфери бўйича таклифларни кўриб чиқади.
Аввалроқ, ҳужумчи хизматига Италиянинг "Ювентус" клуби қизиқиш билдираётгани хабар қилинганди.
Бу мавсумда Хёйлунд барча турнирларда 42 та ўйинда майдонга тушди, саккиз марта рақиблар дарвозасини ишғол қилди ва тўртта голли узатма муаллифига айланди.
У ўтган ёзда "Аталанта"дан 74 миллион евро эвазига сотиб олинганди.
