Dani Olmo "Borussiya"ga qarshi o‘yinda ishtirok etishi mumkin.

"Barselona" yarim himoyachisi 27 mart kuni "Osasuna"ga qarshi o‘yinda (3:0) o‘ng oyog‘ining yaqinlashtiruvchi mushaklaridan jarohat oldi. Uning tiklanishi taxminan uch hafta davom etishi taxmin qilingan edi.

Ayni paytda belgilangan vaqtga amal qilinmoqda - Olmo maydonga qaytishga yaqin turibdi. Futbolchi allaqachon asosiy guruhda bir nechta mashg‘ulot o‘tkazgan.

Mundo Deportivo xabariga ko‘ra, klub Olmoning joriy mavsumda tez-tez jarohat olayotganini inobatga olib, uning qaytishi bilan tavakkal qilishni istamayapti. Bugungi "Leganes"ga qarshi o‘yin futbolchining joriy mavsumda jarohatlar tufayli o‘tkazib yuborayotgan o‘n beshinchi o‘yini bo‘ladi.

Xansi Flik va murabbiylar shtabining rejalariga ko‘ra, Dani jamoa bilan Chempionlar Ligasi 1/4 finalining javob o‘yini uchun Dortmundga borishi va o‘yinning borishiga qarab, o‘yin formasini tiklashni boshlash uchun maydonga tushishi mumkin.

Dastlabki o‘yinda kataloniyaliklar "Borussiya"ni 4:0 hisobida mag‘lub etishgandi. Javob o‘yini seshanba kuni bo‘lib o‘tadi.