"Bavariya" bosh murabbiyi Vensan Kompani jamoasining so‘nggi uchrashuvlardagi o‘yini haqida gapirdi.
Myunxenliklar seshanba kuni Chempionlar Ligasi 1/4 finalida o‘z uyida Milanning "Inter" klubiga yutqazdi (1:2), shanba kuni esa Dortmundning "Borussiya" klubi bilan durang o‘ynadi (2:2).
"Jarohatlar bilan bog‘liq og‘ir vaziyatni hisobga olgan holda kuch va birdamlikni saqlab qolish muhim. Muxlislarimiz so‘nggi ikki o‘yinda jami 50 ta zarba berganimizni ko‘rishdi - bu yolg‘on emas. Chempionlar ligasi chorak finalida o‘ynayotgan jamoalar darvozasiga 50 ta zarba. Albatta, bizda hamma narsa ideal emas, lekin mentalitet va o‘ziga ishonch bilan muammo yo‘q. Biz jarohatlarga qaramay, xavf tug‘dirmoqdamiz," - dedi Kompani matbuot anjumanida.
