"Betis"ning 19 yoshli vingeri Xesus Rodriges Angliya Premyer-ligasiga ko‘chib o‘tishi mumkin.

Caughtoffside'ga ma’lum bo‘lishicha, Londonning "Arsenal" klubi yozgi transferlar oynasida Rodrigesni o‘z safiga qo‘shib olish uchun kurashda yetakchilik qilayotgan klublardan biri hisoblanadi. Yuqoridagi manbaga ko‘ra, "kanonirlar" La Liganing so‘nggi turlarida 19 yoshli ispaniyalik futbolchining o‘yinlarini diqqat bilan kuzatib borishgan. Qayd etilishicha, futbolchining xizmatlariga "Liverpul" va "Chelsi" klublari ham qiziqish bildirmoqda. Ta’kidlanishicha, hozircha klublarning hech biri "Betis" bilan rasmiy muzokara o‘tkazmagan.

Bu mavsumda Rodriges "Betis"ning asosiy jamoasi safida 24 ta o‘yinda maydonga tushib, 2 ta gol urdi va 2 ta golli uzatmani o‘z hisobiga yozdirib qo‘ydi.