"Бетис"нинг 19 ёшли вингери Хесус Родригес Англия Премьер-лигасига кўчиб ўтиши мумкин.
Caughtoffside'га маълум бўлишича, Лондоннинг "Арсенал" клуби ёзги трансферлар ойнасида Родригесни ўз сафига қўшиб олиш учун курашда етакчилик қилаётган клублардан бири ҳисобланади. Юқоридаги манбага кўра, "канонирлар" Ла Лиганинг сўнгги турларида 19 ёшли испаниялик футболчининг ўйинларини диққат билан кузатиб боришган. Қайд этилишича, футболчининг хизматларига "Ливерпуль" ва "Челси" клублари ҳам қизиқиш билдирмоқда. Таъкидланишича, ҳозирча клубларнинг ҳеч бири "Бетис" билан расмий музокара ўтказмаган.
Бу мавсумда Родригес "Бетис"нинг асосий жамоаси сафида 24 та ўйинда майдонга тушиб, 2 та гол урди ва 2 та голли узатмани ўз ҳисобига ёздириб қўйди.
