Bremenning "Verder" klubi jamoa sardori Marko Fridl bilan hamkorlikni davom ettirishini e’lon qildi.

OAV xabarlariga ko‘ra, tomonlar o‘rtasidagi yangi mehnat shartnomasi 2028 yilgacha amal qiladi.

Fridl "Bavariya"ning yoshlar tizimi mahsuli hisoblanadi. Aynan u yerdan 2019-yilda “Verder”ga ko‘chib o‘tgandi. O‘shandan beri 27 yoshli avstriyalik “musiqachilar” safida 193ta o‘yin o‘tkazib, 7ta gol urgan va 10ta golli uzatmani amalga oshirgan.

Bundesligada mavsum tugashiga 5 tur qolganida "Verder" 9-o‘rinda bormoqda.