O‘zbekiston Superligasining 6-turidan o‘rin olgan "Xorazm" – "Bunyodkor" uchrashuvi tomonlar kelishuvi asosida Toshkentda o‘tkazildi. Uchrashuvda har ikki jamoa ham faol hujum qilgan bo‘lsa-da, to‘pni darvozaga joylashda muvaffaqiyat qozona olishmadi.

Birinchi bo‘limda jamoalar nisbatan ehtiyotkor harakat qilgan bo‘lsa-da, ikkinchi taymda vaziyatlar ancha keskinlashdi. "Bunyodkor" futbolchilari to‘rt marta ustun va to‘sin nishonga olishdi, ammo bugun to‘p darvozaga kirmadi.

Himoyadagi ishonchli o‘yin va darvozabonlar faoliyati sabab, 90 daqiqa yakunida hisob ochilmadi. Natijada "Bunyodkor"ning ochkolari 12 taga, "Xorazm"niki esa 7 taga yetdi.

O‘zbekiston Superligasi – 6-tur
18 aprel, 2025 yil
"Xorazm" – "Bunyodkor" 0:0
"Xorazm": 12. Sardor Qobuljonov, 5. Dilshod Jo‘rayev (73’ – Sanjar Shoahmedov), 7. Temurbek Ismailov (65’ – Fransis Narx), 9. Jasur Azimov (65’ – Xazratjon Tursunqulov), 11. Humoyunmirzo Iminov, 15. Vladimir Bubanya, 27. Ixtiyor Toshpo‘latov, 44. Dostonbek Tursunov, 88. Abror Xo‘sinov (46’ – Ilhomjon Alijonov), 94. Rustamjon Abduhamidov, 99. Shahrom Samiyev (83’ – Murodbek Bobojonov)
"Bunyodkor": 13. Hasan Abdunabiyev, 2. Nikoloz Mali, 4. Abdulaziz Nurmurodov, 7. Jaloliddin Hamrobekov (s), 8. Martin Shroler (67’ – Muzaffar Olimjonov), 9. Imeda Ashortiya (86’ – Ollobergan Karimov), 10. Rasul Yo‘ldoshev (86’ – Amir To‘raqulov), 15. Nikita Bugarin, 22. Azizjon Omonov (89’ – Suhrob Abdunabiyev), 23. Shohrux Rahimjonov, 74. Kristian Kachorri