"Manchester Yunayted" ayni damda "Bornmut" hujumchisi Antuan Semenyo uchun kurashda favorit hisoblanadi. Bu haqda jurnalist Layall Tomas xabar bermoqda.
“Qizil iblislar” ustozi Ruben Amorim vingerning ashaddiy muxlisi. Portugaliyalikning kelasi mavsumda “Manchester Yunayted”ning yangi hujumida undan qanday foydalanish bo‘yicha fikrlari bor. "Bornmut" Semenyo uchun 70 million funt talab qilmoqda.
Antuan Semenyo joriy mavsumda “Bornmut” safida Premyer-ligada 31 ta o‘yinda maydonga tushdi. Bu davrda ganalik futbolchi sakkizta gol urdi va beshta golli uzatmani amalga oshirdi.
