Urganch shahrida Pahlavon Mahmud xotirasiga bag‘ishlab o‘tkazilgan Kurash bo‘yicha IV Markaziy Osiyo xalqaro turniri o‘z yakuniga yetdi.
Ushbu nufuzli musobaqada O‘zbekiston, Tojikiston, Turkmaniston, Qirg‘iziston va Afg‘oniston davlatlaridan kelgan 2008–2009-yillarda tug‘ilgan iqtidorli sportchilar ishtirok etdi.
Turnir davomida yosh kurashchilar o‘z mahoratlarini namoyon etish barobarida, sevimli sportimizning xalqaro nufuzini yanada oshirishga hissa qo‘shdilar.
10 ta vazn toifasida bo‘lib o‘tgan bellashuvlar yakunida g‘olib va sovrindorlarni aniqlandi. Taqdirlash marosimida Xalqaro Kurash assosiasiyasi, O‘zbekiston Kurash federasiyasi, Xorazm viloyati hokimligi, viloyat jismoniy tarbiya va sport boshqarmasi hamda Xorazm viloyati prokuraturasi rahbarlari ishtirok etib, sovrindor sportchilarga medal, diplom va pul mukofotlarini tantanali tarzda topshirdi.
