Italiya A Seriyasining 33-turida “Roma” “Verona” ustidan minimal hisobda g‘alaba qozondi. Rimliklarning yagona goliga o‘zbekistonlik Eldor Shomurodov mualliflik qildi.
O‘yindan keyin hujumchi jurnalistlarga intervyu berib, o‘yin haqida o‘z fikrlarini bildirib o‘tdi.
Biz Chempionlar ligasiga chiqishni istaymiz, shu bois qolgan barcha uchrashuvlarda g‘alaba qozonishimiz kerak. Klaudio Raneri bu juda qiyin bo‘lishini, lekin uddalay olishimizni aytdi. Biz muxlislarning qo‘llab-quvvatlashi tufayli g‘alaba qozondik. Men murabbiy nima istayotganini bilaman. Bu jamoaga yordam bermoqchiman, imkon berilsa, klub uchun borimni berishga tayyorman. “Roma”da yaxshi tarkib shakllangan, biz har bir bahsda g‘alaba qozonishni istaymiz, deydi Shomurodov.
Ma’lumot uchun, “Roma” Italiya chempionatida ketma-ket 16 uchrashuvdan beri mag‘lub bo‘lmayapti. Rimliklar 33-turdan keyin 57 ochko to‘plagan holda “Bolonya” bilan 5 o‘rinni bo‘lishib turibdi. “Bo‘rilar” keyingi bahsni 26 aprel kuni “Inter”ga qarshi o‘tkazadi.
