Daniel Karvaxalning aytishicha, "Real Madrid" mavsum so‘ngida ko‘tarilishi kerak.
Bungacha Madrid klubi chorak finalda “Arsenal”ga ikki marta (0:3, 1:2) yutqazib, Chempionlar ligasidan chiqib ketgandi.
"Hozir bizning vaqtimiz. O‘rningdan turish vaqti keldi. Chempionlar ligasidagi kabi og‘ir zarbani boshdan kechirganingizda shunday qilish kerak.
Oldin katta vazifa turibdi, chempionlik va Qirol kubogi finali xavf ostida va endi oldinga qadam tashlash, kuchayish va chempionlikni qo‘lga kiritish uchun harakat qilish vaqti keldi”, dedi “Real Madrid” himoyachisi.
"Real Madrid" La Liga turnir jadvalida 69 ochko bilan "Barselona"dan 4 ochko ortda qolgan holda ikkinchi o‘rinda bormoqda. Madridliklar 26 aprel kuni Ispaniya kubogi finalida kataloniyaliklar bilan to‘qnash kelishadi.













