"Manchester Yunayted" afsonasi Roy Kin "Manchester Siti" yarim himoyachisi Kevin De Bryuynening kelajagi haqida fikr bildirar ekan, belgiyalik futbolchi faoliyatini "Manchester Yunayted"da davom ettirishi mumkinligi haqida hazil qildi.

Oldinroq "Siti" De Bryuyne mavsum oxirida jamoani tark etishini e’lon qilgan edi. Keyinroq 33 yoshli futbolchi “shaharliklar”ning shartnomani uzaytirmaslik haqidagi qaroridan hayratda qolganini tan oldi va faoliyatini Angliyada davom ettirish variantini ham istisno qilmasligini takidladi.

"Siti" De Bryuyne boshqa Premyer-liga klubiga o‘tishi mumkinligidan xavotirdami? "Yunayted"gami ? Shunda u yangi uyga ko‘chib o‘tishi shart emas edi.

Biz "Man Siti" yoshi kattaroq futbolchilar bilan qanchalik shafqatsiz bo‘lishini bilamiz. Ammo unga to‘p bilan vaqt bering va u sizni jazolaydi, chunki unga faqat bir daqiqa kerak bo‘ladi. Uni qanchalik to‘xtatishga urinmasin, ba’zi jihatlarda buning iloji yo‘q", dedi Kin.

De Bryuyne joriy mavsum “Siti” safida barcha turnirlarda 35 ta o‘yinda maydonga tushib, 5 ta gol urdi va 8 ta golli uzatmani amalga oshirdi.