"Манчестер Юнайтед" афсонаси Рой Кин "Манчестер Сити" ярим ҳимоячиси Кевин Де Брюйненинг келажаги ҳақида фикр билдирар экан, бельгиялик футболчи фаолиятини "Манчестер Юнайтед"да давом эттириши мумкинлиги ҳақида ҳазил қилди.
Олдинроқ "Сити" Де Брюйне мавсум охирида жамоани тарк этишини эълон қилган эди. Кейинроқ 33 ёшли футболчи “шаҳарликлар”нинг шартномани узайтирмаслик ҳақидаги қароридан ҳайратда қолганини тан олди ва фаолиятини Англияда давом эттириш вариантини ҳам истисно қилмаслигини такидлади.
"Сити" Де Брюйне бошқа Премьер-лига клубига ўтиши мумкинлигидан хавотирдами? "Юнайтед"гами ? Шунда у янги уйга кўчиб ўтиши шарт эмас эди.
Биз "Ман Сити" ёши каттароқ футболчилар билан қанчалик шафқатсиз бўлишини биламиз. Аммо унга тўп билан вақт беринг ва у сизни жазолайди, чунки унга фақат бир дақиқа керак бўлади. Уни қанчалик тўхтатишга уринмасин, баъзи жиҳатларда бунинг иложи йўқ", деди Кин.
Де Брюйне жорий мавсум “Сити” сафида барча турнирларда 35 та ўйинда майдонга тушиб, 5 та гол урди ва 8 та голли узатмани амалга оширди.
