Serbiyaning “Srvena Zvezda” klubi o‘ziga xos jahon yutug‘i sohibiga aylandi. Bu haqda jamoaning rasmiy sayti xabar berdi.
Jamoa 2017 yilning aprel oyidan buyon o‘z uyi Rayko Mitich stadionida mag‘lub bo‘lmayapti.
Bu vaqt ichida 148 ta uy o‘yini o‘tkazilgan. Avvalgi rekord “Real”ga tegishli edi. 1957-1965 yillar oralig‘ida ketma-ket 121 o‘yin o‘z uyida mag‘lubiyatga uchramagan.
Shuningdek, so‘nggi Serbiya chempionatida "Srvena Zvezda" nafaqat o‘z uyida, balki safarda ham mag‘lub bo‘lmagan (mavsumda 28 g‘alaba va 2 durang).
Avval xabar berganimizdek, jamoa yakunda 11 karra mamlakat chempioniga aylangandi.













