"Atalanta" sharafini himoya qilayotgan braziliyalik xavbek Ederson Angliya Premyer-ligasining top-klubi "Manchester Siti"ga o‘tish variantiga ega. Bu haqda Todofichajes portali jurnalistlari xabar bermoqda.
Manbaga ko‘ra, Italiya klubi rahbariyati yarim himoyachining transferini 60 million yevroga baholamoqda. Bergamoliklar safida Ederson 2022 yilning yozidan buyon to‘p tepib kelmoqda. Tomonlar o‘rtasidagi amaldagi mehnat shartnomasining muddati 2027 yil iyun oyi oxirida tugaydi.
Italiya chempionatining joriy mavsumida 25 yoshli yarim himoyachi "Atalanta"ning 32 ta o‘yinida ishtirok etdi. Ederson 4 ta gol va 1 ta assistni o‘z hisobiga yozdirib qo‘ydi.
