"Аталанта" шарафини ҳимоя қилаётган бразилиялик хавбек Эдерсон Англия Премьер-лигасининг топ-клуби "Манчестер Сити"га ўтиш вариантига эга. Бу ҳақда Todofichajes портали журналистлари хабар бермоқда.

Манбага кўра, Италия клуби раҳбарияти ярим ҳимоячининг трансферини 60 миллион еврога баҳоламоқда. Бергамоликлар сафида Эдерсон 2022 йилнинг ёзидан буён тўп тепиб келмоқда. Томонлар ўртасидаги амалдаги меҳнат шартномасининг муддати 2027 йил июнь ойи охирида тугайди.

Италия чемпионатининг жорий мавсумида 25 ёшли ярим ҳимоячи "Аталанта"нинг 32 та ўйинида иштирок этди. Эдерсон 4 та гол ва 1 та ассистни ўз ҳисобига ёздириб қўйди.