"Chelsi"ning "Strasburg"da ijarada o‘ynayotgan markaziy yarim himoyachisi Andrey Santos faoliyatini "Arsenal"da davom ettirishi mumkin. Bu haqda CaughtOffside xabar bermoqda.

Manbaga ko‘ra, Santos ijaradan keyin "Chelsi"ga qaytishi kerakligiga ishonchi komil emas. Buning fonida ko‘plab klublar faollashdi, jumladan, "Arsenal" ham.

Ta’kidlanishicha, kelayotgan yozda 20 yoshli Santos 45-50 mln yevroga sotuvga chiqariladi, ammo xavbek xizmatiga nafaqat "kanonirlar," balki "Tottenxem," "Nyukasl," "PSJ" va "Milan" klublari ham qiziqish bildirmoqda.

Joriy mavsumda Santos barcha musobaqalarda 30 ta o‘yin o‘tkazib, o‘nta gol urdi va beshta golli uzatmani o‘z hisobiga yozdirib qo‘ydi.