"Челси"нинг "Страсбург"да ижарада ўйнаётган марказий ярим ҳимоячиси Андрей Сантос фаолиятини "Арсенал"да давом эттириши мумкин. Бу ҳақда CaughtOffside хабар бермоқда.
Манбага кўра, Сантос ижарадан кейин "Челси"га қайтиши кераклигига ишончи комил эмас. Бунинг фонида кўплаб клублар фаоллашди, жумладан, "Арсенал" ҳам.
Таъкидланишича, келаётган ёзда 20 ёшли Сантос 45-50 млн еврога сотувга чиқарилади, аммо хавбек хизматига нафақат "канонирлар," балки "Тоттенхэм," "Ньюкасл," "ПСЖ" ва "Милан" клублари ҳам қизиқиш билдирмоқда.
Жорий мавсумда Сантос барча мусобақаларда 30 та ўйин ўтказиб, ўнта гол урди ва бешта голли узатмани ўз ҳисобига ёздириб қўйди.
