Ferlan Mendida "Barselona" bilan o‘ynash imkoniyati bor.

Himoyachi sonining orqa qismidan olgan jarohati tufayli mart oyi o‘rtalaridan buyon maydonga tushmayapti.

Marca nashrining xabar berishicha, fransuz bugun jarohat olganidan beri birinchi marta umumiy guruhda to‘p bilan ishladi. Murabbiylar shtabi optimistik kayfiyatda va Mendini Ispaniya kubogi finalida "Barselona"ga qarshi o‘yin qaydnomasiga kiritishmoqchi.

Qayd etilishicha, bosh murabbiy Karlo Anchelotti Mendidan foydalanish masalasini so‘nggi pallada hal qiladi.