Italiya kubogi yarim final bahsi doirasida "Empoli" "Bolonya"ga imkoniyatni boy berdi va turnir bilan xayrlashdi.
Uchrashuv natijalarini jamoa bosh murabbiyi Roberto D'aversa izohladi.
"Biz bu tarixiy yarim finalni boshimizni baland ko‘targan holda tark etamiz. Afsuski, birinchi o‘yinda biz Italiyaning eng yaxshi jamoalaridan biriga qarshi o‘yinda xatoliklarga yo‘l qo‘ydik.
Bugun oqshom yigitlar diqqat bilan o‘ynashdi. Agar biz A Seriyaning qolgan o‘yinlarida ham shunday ruhda davom etsak, yuqori ligada qolishga loyiq ekanimizni isbotlaymiz", – dedi murabbiy.
